D SUMPFHIENER

Syt 1975 git s d Sumpfhiener, e Pfyffergrübbli, wo Gselligkeit, Fründschaft und unseri Basler Fasnacht pflägt. Mänggmol simmer mee gsee, mänggmol weniger. Und hüt, no 50 Joor, git s d Sumpfhiener als no.

Syt mänggem Joor laufe mir zwoor nümm dr Cortège (me wird nit jünger), spiilen aber einewääg als no all Joor e Sujet us, mit Vordraab, mit bassendem Goschdüm, eme Zeedel, mänggmool eme Reggwisyt, aber ooni Ladäärne.

Syt Joorzäänt simmer Stammgescht im Leuezorn und hänn döört au Pfyfferstund.

Wöttsch gäärn bi de Sumpfhiener pfyffe? Wöttsch Bassyfmitgliid wäärde? Hesch sunscht e Froog?

No wänd Di an unseri "Pfyff-Inschdruggdoorin":

Edith Bieri, Mühleweg 16, CH-4106 Therwil

Repertoire 2025/2026:

Die Alte, Altfrangg, Arabi, Bänggler, Barogg, Donizetti, Dritt Väärs, Dudelsagg, Feschtspiil, Gässler, Glopfgaischt, Luuser, Läggerli, Naarebaschi, Neyi Glaibasler, Rhysprung, Rhywälle, Ryslaifer, Route, Saggodo, Sans-Gêne, Schott, Spaledöörli, Vaudois, Whisky-Soda, Yankee